Speyer Knubbeltour en de Pfalz 2003

von Günter Leitner "Bäbbel"

Uns dissjöhrige Knubbeltour jingk grovv gesaat en de Pfalz un jet dröm eröm. Do wo de Funke 1794 hinversatz woote, hätt et uns hingetrocke. Der Bus kom pünktlich un mer sin en nem flöcke Rötsch noh Frankfurt zom Flughafen jejöck. Mer sin jot durchjekumme, mer kunnte alle Gäss bejrüsse, et Stätze vun der Ülepooz wor met je kumme un der Enkels Pitter.

1. Frankfurter Flughafen
Do hätt uns einer geführt, der et got gemeint hätt, wenn hä och manchmal uns och e bessje för blöd gehalde hätt. Jot wor dä Sproch, dat mer en KLM-Flugzeug us Holland an ner Anhängerkupplung erkenne kann. Geliert han mer och dat Kerosin Flugzeugkölsch ess. Dann hätt hä uns zo de Startbahn Wess geschleif un mer kunnten uns Fürwehrautos ansinn un Jedanke dorüvver maache, dat dä eine ov andere do sin Karriere aanjefange hätt, un hück die Stein, die hä jeschmesse hätt hück en der Welt us dem Wääch rümp.

2. Sachsenhausen
En Frankfurt han mer Meddag jegesse un domit fing die Esserei op der Knubbeltour aan, vun dä mer all wie klein Knübbelscher zoröck jekumme sin; mer han su vill Wööschjer gehatt, dat unse Pipi Lou däm Knubbelföhrer e rechtig Kölsch besorg hät, wat dä Hermann-Josef met Jenoss jedrunke hätt.

3. Speyer 1
Nohdem mer uns en de Zemmere engeniss han, sin en Häät vun Funke en der Dom jejange un han sech de Kirch beluurt, die mer de janze Nääch en Speyer mem Lügge emmer gehoot han. Üvverall sin mer erüm jejange, han uns gemütlich alles beluurt. Dat Hotel worjot, log do, wo fröher et Reichskammergereech wor. Et jov vell zo esse, ävver nit genoog, e paar mooten sech ne Nacht-Tisch in der Industriestr. holle.

4. Speyer 2, Technikmuseum
Morjens sin mer zo Foß en et Technikmuseum jejange. E paar, die noch jet schräg wore, kunnten date m usgestoppte Jumbo noch jet schräger wääde. Vill zo esse jov et em Naturfründehuus.

5. Speyer 3, Variete
Ovens woren mer em Variete. Do kunnten mer met ner Antonow durch de Zigge fleege. „De letzte Reis met dä Antonov.“ Et jingk durch alle Zigge un de Funke han sech an ehr Lewe entsenne künne, wat hinger un vör inne litt. Wie merovends en et Hotel kome,jov bei ner Huhzick Koche, en dä dä Dirk platschtich erenn gefalle ess.

6. Mainz
Sondags sin mer dann zo Mainzer Prinzengarde jefahre, wo se uns düchtig jet üwer dä Mainzer Fastelovend verzallt han (zwei Lück us dem Vörstand). Dat se vürm Ruusemondaachszooch all en der Dom jingke, et kein Waach jöv. Mer han der Nahalla Marsch jesunge un en janze Häät vun kölsche Leedcher, jespillt han der Rutsteff un unsre Krokettenkapitän. Dat wor richtig schön.

Et jov kein Uusfäll un mer han uns för de Fastelovend jood geröss. Danke möchte mer och all denne, die uns geholfe han, alles zo bezahle.