Mer han et vun langer Hand geplant un setze et jitz öm: am Samsdach, däm 16. Juli 2011 fiere mer zosamme met uns Fründe vum I. Knubbel en Sommerfess en Neehl. Wie et sech för en Famillijefess jehüürt, es för jederein jet dobei - och denne Pänz weed et an däm Nohmeddag nit langweilig wäde. Mih Informatione üvver Programm un Aanmeldeverfahren stonn en d'r Enladung, die et zosamme met der Knubbelposs em Juni ov beim Knubbelschriever jitt.

D'r II. Knubbel op Tour noh Österreich

Vum 1. bes 3. Juli 2011 mache mer uns disjöhrige Knubbeltour noh Wien. Doför treffe mer uns am Friedach, däm 1. Juli 2011 ald öm 05:30 Uhr am Floghafe Köln/Bonn (Check-in Germanwings, Terminal 1). Et vollständige Programm zor Tour jov et druckfresch o'm letzte Knubbelovend. Wä nit do wor un somit noch nit versorg es, meld sech flöck beim Knubbelschriever un kritt donoh all Informatione per Poss ov Mail."

Wandertag vum II. Knubbel

De Wandervügel vum II. Knubbel treffe sech dis Johr am 11. September 2011 öm 11:00 Uhr met Sack un Pack om Ebertplatz. Mih Informatione zom Wandertag 2011 wäde zosamme met d'r Enladung zom Juli-Knubbelovend verdeilt. De Organisatore dun sech freue, wann mer widder en schlagkräftige Manschaff zosamme kräge. Doröm mach Der flöck en rud Krützje em Kalender."

Ne joldene Öllig jeiht op Reisen

Us und vörbei, de Knubbeltour 2011 noh Wien es Geschichte. Mer han drei wunderbare Dääch en d'r österreichischen Haupstadt verläv und vell üvver Land un Lück erfahre. Ävver wat wor dat för en Üvverraschung beim Gala-Dinner em Salon Prawy/Karajan vum Hutel Sacher, als unse Knubbelföhrer "Hülbeer" und et "Pälmüttche" plötzlich op et Podium jeklumme sin un unse Ömlaatsverwalter "Pattühm" för sing Verdeenste öm d'r II. Knubbel met däm Joldene Öllig usjezeichnet han. Op däm Wääch noch ens hätzliche Jlöckwunsch an d'r "Pattühm" un Dank an die üvverige Dräger vum Jolde Öllig, die nix verrode un de Üvverraschung domet perfekt jemaht han. Foto zum Vergrößern einfach anklicken.