Jolde Öllig

Geschichte des "Jolde Öllig"
vum „Palmüttche“ em Dezember 2006

Wat bezweck dat, un woröm ? Dat wor esu: em Johr 1984 op nem jenöchliche Knubbelovend hatte e paar joldige Öster en Idee, un die wor su:

Mer wollte Fründe, die däm II. Knubbel ärg wohl jesonne sin un sich dodurch verdeent jemaat han, am Johresengk bei ner besondere Fier met Jold behange. Jesaat – jedonn, wie dat bei uns Rude Funke so es.

Su troofe sech em Hervs 1984 de Knubbelvörstand unger däm Knubbelföhrer Heinz Klein „Jöckpulver“ met dene Häre Herbert Stiller „Jutsch“ un Winfried Imhoff „Pälmüttche“ en d‘r Altstadt beim Sion bei Kölsch un Kühl zur „Ideenumsetzung“, und dat wor för die Bagasch kei Problem.

Et „Pälmüttche“ fädichte un stiftete ne „Jolde Öllig“ als Schlüsselanhänger. Dä Karl Neunzig „Grümmel“ maat de zojehörige Urkund un unse Knubbelföhrer „Jöckpulver“ sorgte für e usjefalle Programm. Dat Jold för de eetste Öllig hätt d‘r „Bohrer vun Neehl“ jestiff, dat wor däm Hein singe Zahnarzt. Dann kom dat Allerwichtigste: Wä sull die huh Auszeichnung krieje? Mer kome schnell üvverein, ejal ob dä Funk rich ov ärm es, singe Ensatz för dä II. Knubbel zallt, und dat hätt och hück noch Vorrang, un dat bliev och esu.

Su treffe sech de bisherije Ölligdräger mem Knubbelvörstand jedes Johr em Hervs bei nem leckere Kölsch un ner Kleinigkeit zo müffele un üverläje, wä dä nöhkste Ölligdräger sin soll. Et weed diskuteet un dann avgestemp, wäm de jroße Ihr zodeil weed. Et es e unjeschrivve Jesetz, dat die Ölligdräger dä Vörjohre dä neue Ölligdräger bes zor Verleihung geheim halde und dat hätt bes op ein Usnahm bes hück jeklapp.

Am Fessovend selvs es de Spannung unger all dä Häre jroß. Jeder kütt jo, wie et en d‘r Enladung steiht, en Schlips un Krage un em feine Zwirn, un de Erwartung es mallig jroß – „wä weedt et sin?“

Bis hück kunnte mer 28 Funke met dä huh Ihr bejlöcke. Ävver wie dat su em Levve es, sin och als e paar vun de Ihredräger vell zo früh vun uns jejange, so och unse langjöhrige un einmolige Knubbelföhrer Heinz Klein „Jöckpulver“, däm doch de Ihrunge su am Hätze loch. Em zo Ihr wäde mer dat wigger beibehalde, un freue uns immer op et Johresengk.

Dat Engk es för uns immer widder ne neue Anfang.

Bisher ausgezeichnet wurden:

1984 Heinz Berg "Strümpche" †
1985 Heribert Kreiten "Messingschläger"
1986 Hansgeorg Brock "Stätzge vun d´r Ülepooz"
        un Herbert Friedel "Kurasch" †
1987 Adolf Leutheuser "Schwebebahn" †
1988 Heinz Klein "Jöckpolver" †
        un Herbert Stiller "Jutsch" †
1989 Winfried Imhoff "Pälmüttche"
1990 Helmut Wichartz "Messlatz"
1991 Georg Buhs "Ohsepisel"
1992 Karl Neunzig "Grümmel"
1993 Hermann-Josef Wirtz "Schavu"
1994 Hans-Günter Michels "Klammerbüggel"
1995 Tobias Kreiten "Kofferschläger"
1996 Manfred Nattermann "Pattühm" †
1997 Peter Hofenbetzer "Waffelieser" †
1998 Dr. h.c. Norbert Burger "Rhingroller"
        un Karl Heinz Düntzer "hätt´r keine"
1999 Georg Buhs "Ohsepisel" ( Jolde Öllig met Brillijante )
2000 Walter Holland "Drievnähl"
2001 Günther Koch "hätt´r keine"
2002 Heinz Klein "Jöckpolver" † ( Jolde Öllig met Brillijante )
2003 Heinz-Günther Hunold "Laachduv vun d´r Ülepooz"
2004 Michael Sebus "Hülbeer"
2005 Peter Enkel sr. “Fidibus” --> Fotogalerie
2006 Ludwig Reinhard "hät d´r keine" --> Fotogalerie
2007 Dr. Ludger Paas “Quetsch” --> Fotogalerie
2008 Peter Harens “Pädsstätz ” --> Fotogalerie
2009 Hans Müllewitz "hät d´r keine" --> Fotogalerie
2010 Tobias Kreiten "Kofferschläger" ( Jolde Öllig met Brillijante )
        un Heinz-Jürgen Müller "Wasserwooch" --> Fotogalerie
2011 Ralf Ramspott "Pattühm" --> Fotogalerie