Knubbelecke 2003

Dr Vörstand vum 2. Knubbel meldt :



Am Engk vum Johr

Am Engk vum Johr denk mer et eesch aan die zoröck, die gestorve sin, bei uns em Knubbel ess et Rudi Herrmann der vill bei uns jekumme ess un dozo jehoot, unsere Ehrenfesskomitee-Präsident des 2. Knubbels. Ansonsten läuf et got bei uns un mer sin emmer noch ei Funke-Corps, och wenn keine vun uns im Momang em Vörstand ess.

Jetz waade mer nur noch op Fastelovend…


Knubbeltour en de Pfalz [vun Günter Leitner “Bäbbel”]

Uns dissjöhrige Knubbeltour jingk grovv gesaat en de Pfalz un jet dröm eröm. Do wo de Funke 1794 hinversatz woote, hätt et uns hingetrocke. Der Bus kom pünktlich un mer sin en nem flöcke Rötsch noh Frankfurt zom Flughafen jejöck. Mer sin jot durchjekumme, mer kunnte alle Gäss bejrüsse, et Stätze vun der Ülepooz wor met je kumme un der Enkels Pitter. --> weiter


Knubbellevve [vun Günter Leitner “Bäbbel”]

En der Adventszick han mer uns met unsere Fraue ov Fründinne en der Bastei zo ner besinnliche Fier jetroffe. Alles wor herrlich parat jemaat, denn et moot jo der Rahme stemme: för uns Fraue, de Adventsfier un der feierliche Verabschiedung vom ahle Knubbelföhrer Heinz Klein (Jöckpolver). Uns Stätzje vun der Ülepooz hätt en jod gesennte Red jehale und der Heint hät sech lang bedank, dat mer dat Jeföhl nit loss woot, hä köm alt widder. Dann wood düchtig met Marie Luise Nikuta jesunge. Se hät uns e eije Knubbelleed jeschrevve, et Knubbelleed vum 2. Knubbel. Dat hät et schön jemaat, un mer wollen en der nächste Zick dat Leed en nem Tonstudio opnemme un dann düchtig übe, domet mer em Oktober, wann mer unsere Gang durch et Vringsveedel maache et och ohne hange zo blieve singe künne.

Mer hatten en herrliche Session, han uns jot metenander verdrage, vill Lück kenne geliert, un vür allem Fründe us dä andere Knubbele. För all dat wat mer erläve kunnte, de Sitzunge und at janze dröm e röm en dä Funke bes zom Zoch jeit unsere Dank an die, die dat all müngchesmoß müggelich gemaat han. Beim eeschte Knubbelovend nohm Fastelovend wooten dann dä Karl Neunzig (Grümmel) und ä Mick (Hans Günter Michels, Klammerbüggel) als Knubbelkassierer un Knubbelschriever feierlich veravschied. Se han schön Geschenke gekräge un all Fründe us dem Knubbel han ohne Engk applaudiert. Avver dat jrößte eß: se woote zo Ihremetgleeder vum 2. Knubbel jemaat. Neu komen jetz en dä Knubbelvürstand, Olaf Herrmann (Geknösch) als Schrevvföhrer un Dirk Brün (Fleegefänger) als Kassierer. Die künnen dat och, denn se han et vun der ahle jeliert uns in et met neue Auge.

Uns Knubbelovende sin jot besöök, su jot, dat mer vielleich ens e Päusche met opnemme vun neue maache mööten. Bei einem Ovend woot der janz ahle Knubbelföhrer Tröötemann zom Eereknubbelföhrer erhovve. Dobei hätt uns sing eeschte Büttenreed vun 1962 vürjespellt.